दौंड प्रतिनिधी प्रबोधिनी न्युज : नांदेड येथे पोलीस उपनिरीक्षक पदावर कार्यरत असलेले कर्तव्यदक्ष अधिकारी आणि प्रसिद्ध कवी शिवराज लोखंडे यांना ५ व्या भीमथडी साहित्य संमेलनात ‘भीमथडी साहित्य गौरव पुरस्कारा’ने अत्यंत उत्साहात सन्मानित करण्यात आले.लोखंडे हे आपल्या पोलीस खात्यातील व्यस्त दिनचर्येतून वेळ काढत सातत्याने विविध सामाजिक व साहित्यिक विषयांवर दर्जेदार लेखन करत असतात. संवेदनशीलता हे त्यांच्या कवितांचे मुख्य वैशिष्ट्य मानले जाते. त्यांच्या याच उल्लेखनीय साहित्यिक कार्याची दखल या पुरस्काराद्वारे घेण्यात आली आहे.मान्यवरांच्या हस्ते गौरवहा प्रतिष्ठेचा ५ वा भीमथडी साहित्य गौरव पुरस्कार शिवराज लोखंडे यांना खालील मान्यवरांच्या शुभहस्ते प्रदान करण्यात आला. मा. महादेवरावजी जानकर (राज्यमंत्री, महाराष्ट्र राज्य)फ. मु. शिंदे (ज्येष्ठ साहित्यिक)दशरथ यादव (ज्येष्ठ साहित्यिक व भीमथडी साहित्य संमेलनाचे मुख्य प्रवर्तक)या सोहळ्यानंतर शिवराज लोखंडे यांच्यावर साहित्य क्षेत्रातून आणि पोलीस प्रशासनातून अभिनंदनाचा वर्षाव होत आहे. त्यांच्या या यशाबद्दल त्यांचे हार्दिक अभिनंदन केले जात असून, पुढील साहित्यिक वाटचालीसाठी त्यांना मनःपूर्वक शुभेच्छा देण्यात आल्या आहेत.
