बीड प्रतिनिधी
प्रबोधिनी न्युज नेटवर्क
परळी – तक्षशिला बहुउद्देशीय सेवाभावी संस्था व साप्ताहिक मानपत्र आयोजित एक हात मदतीचा या उपक्रमात दोन मुलीच्या वडीलास प्रत्येकी पाच हजार रुपये मदत करण्यात आली असल्याची माहिती तक्षशिला बहुउद्देशीय सेवाभावी संस्थेचे अध्यक्ष तथा साप्ताहिक मानपत्र चे संपादक तथा वंचित बहुजन आघाडीचे जिल्हा प्रसिद्धी प्रमुख बाळासाहेब जगतकर यांनी दिली आहे. याबाबत सविस्तर माहिती आशि की गेल्या वर्षभरापासून परळी शहरातील भीम नगर येथील तक्षशिला बहुउद्देशीय सेवाभावी संस्था व साप्ताहिक मानपत्र चा माध्यमातून परळी शहरातील भिमनगर साठे नगर रमानगर व प्रबुद्धनगर येथील मुलीच्या लग्नासाठी मुलीच्या वडीलास एक हात मदतीचा म्हणून पाच हजार रुपयाची मदत करण्यात येत असून आत्तापर्यंत येथील विभागातील अकरा मुलीच्या लग्नासाठी मदत करण्यात आली आहे. याचाच एक भाग म्हणून दि.२९/६/२०२४ रोजी साठे नगर येथील अंबादास संभाजी हिके यांच्या मुलीच्या लग्नात पाच हजार रुपये तर दि. ३०/६/२०२४ रोजी साठे नगर येथील सोमनाथ होनाजी मस्के यांच्या मुलीच्या लग्नात पाच हजार रुपयाची मदत करण्यात आली असल्याने दोन्हीही परिवाराच्या वतीने तक्षशिला बहुउद्देशीय सेवाभावी संस्थेचे अध्यक्ष तथा मानपत्र चे संपादक तथा वंचित बहुजन आघाडीचे जिल्हा प्रसिद्धी प्रमुख बालासाहेब जगतकर यांचा शाल श्रीफळ व पुष्पगुच्छ देऊन सत्कार करण्यात आला असून यानिमित्त दोन्ही लग्नातील वराडी मंडळी करून या उपक्रमाचे कौतुक करण्यात येत असल्याची माहिती ही प्रसिद्धी पत्रकाद्वारे देण्यात आली असून या उपक्रमाचा लाभ घेण्यासाठी मुलीच्या वडिलांनी एक महिना अगोदर नाव नोंदणी करावी असे ही आवाहन तक्षशिला बहुउद्देशीय सेवाभावी संस्थेचे अध्यक्ष तथा साप्ताहिक मानपत्राचे संपादक वंचित बहुजन आघाडीचे बीड जिल्हा प्रसिद्धी प्रमुख बालासाहेब जगतकर यांनी केले आहे.
