सोनाली घाटगे उपसंपादक प्रबोधिनी न्युज – पुणे महापालिकेच्या अंतर्गत सर्व हॉस्पिटलमध्ये गरोदर महिलांची नवव्या महिन्यात कलर डॉपलर सोनोग्राफी चाचणी करण्याची आवश्यकता भासल्यास त्यांना बाहेरून खाजगी डायग्नोस्टिक मध्ये जाऊन चाचणी स्वखर्चाने करावी लागते. गोरगरिबांना खाजगी मध्ये परवडत नाही. सर्व सुविधा व साहित्य उपकरणे उपलब्ध करणे ही पुणे महानगर पालीकेची जबाबदारी आहे.असे असताना सुद्धा गोर गरीब पेशंटना नवव्या महिन्यात सदर चाचणी साठी खाजगीमध्ये जावे लागणे हे. लांच्छनास्पद गोष्ट आहे. तसेच महिलांच्या स्तनाच्या कर्करोगाची मॅमोग्राफी तपासणी. करण्यासाठी मशीनरी पुणे मनपाकडे उपलब्ध नाही.
सदर चाचणीसाठी मशीनरी उपलब्ध का करण्यात येत नाहीत. याबाबत आपल्या. खात्यातर्फे स्पष्टीकरण देण्यात यावे. जवळजवळ दहा हजार कोटींच्या आसपास पुणे महापालिकेचे बजेट असताना देखील आरोग्याच्या बाबतीत पालिकेची उदानसीता वारंवार दिसून येत आहे. सदर मशीन घेण्यात हलगर्जीपणा का करण्यात येत आहे. अशी विचारणा डॉ.कल्पना बळवंत आरोग्य प्रमुख यांना भेटून आम आदमी पार्टीचे शहराध्यक्ष अनु.जाती प्रशांत कांबळे यांनी केली.
सदर सुविधा या नागरिकांना मोफत उपलब्ध करून देण्यात यावी, यासाठी तत्पर उपाय योजना करण्यात याव्या. असे निवेदन भेटून देण्यात आले. त्यावेळेस महासचिव सतीश यादव सचिव शंकर थोरात उपस्थित होते.
