प्रशांत रामटेके संपादक प्रबोधिनी न्युज – लातूर आज दिनांक 15-7 रोजी संपन्न झालेला दलित पँथर वर्धापन दिन आणि ज्येष्ठ साहित्यिक व विचारवंत ज. वी. पवार यांचा अभिष्टचिंतन सोहळा मोठ्या उत्साहात पार पडला. या कार्यक्रमास मोठ्या संख्येने उपस्थित राहिलेल्या सर्व मान्यवर, कार्यकर्ते आणि उपस्थितांचे आयोजकांच्या वतीने आभार मानण्यात आले.
या सोहळ्याच्या निमित्ताने उपस्थित सहभागी आणि साक्षीदारांनी त्यांच्या अनुभवांविषयी सकारात्मक प्रतिक्रिया दिल्या असून, त्या भविष्यातील कार्यक्रमांना अधिक गुणात्मक व यशस्वी करण्यासाठी निश्चितच उपयुक्त ठरणार आहेत.
कार्यक्रमास उपस्थित अनेक मान्यवरांमध्ये महाराष्ट्राचे गानकोकिळा घनश्याम मोहिते, उठाव साहित्य मंचचे प्रमुख बबन दादा सरवदे आणि त्यांच्या टीम, युवराज मोहिते, तसेच संतोष गायकवाड, भूषण डांगळे, तुषार मोहिते, रमेश कांबळे, सुशील सरकाळे, विनोद गायकवाड, गणेश खरात व इतर सर्व सहकाऱ्यांचे योगदान मोलाचे ठरले. यासाठी आयोजकांनी सर्वांचे मनःपूर्वक आभार मानले.
कार्यक्रमात पँथर पुरस्कार विजेत्यांचा सन्मान करण्यात आला आणि त्यांच्या पुढील सामाजिक कार्यासाठी शुभेच्छाही देण्यात आल्या. हा कार्यक्रम ज. वी. पवार यांच्यासारख्या प्रेरणादायी व्यक्तिमत्त्वाच्या सन्मानार्थ असल्यामुळे, लोकांचा उत्स्फूर्त प्रतिसाद लाभल्याचे आयोजकांनी नमूद केले.
अशा उपक्रमांमुळे समाजमनात जागृती निर्माण होत असून, दलित पँथर चळवळीचे मूल्यमूल्य पुढील पिढीपर्यंत पोहोचवण्याचा निर्धार यानिमित्ताने पुन्हा एकदा अधोरेखित झाला.
