अहिल्यानगर मध्ये २४२ शेतरस्त्यांना मंजुरी
मुंबई प्रतिनिधी प्रबोधिनी न्युज नेटवर्क – दि. ६ नोव्हेंबर २०२४ राज्यातील शेतकऱ्यांना शेतापर्यंत पोहोचण्यासाठी मजबूत रस्त्यांची गरज ओळखून महाराष्ट्र शासनाने “मातोश्री ग्रामसमृद्धी शेत/पाणंद रस्ते योजना २०२४–२५” अंतर्गत रस्ते कामांना प्रशासकीय मान्यता दिली आहे. हा निर्णय शिव पाणंद शेतरस्ता चळवळीचे प्रणेते शरद पवळे यांच्या सातत्यपूर्ण जनआंदोलन व पाठपुराव्याचा थेट परिणाम मानला जात आहे.
शासन निर्णयाचे तपशील :
शासन निर्णय क्र. मायारो–२०२४/प्र.क्र.८१/रोहयो–द.अ., दिनांक ६ नोव्हेंबर २०२४.
अहमदनगरसह राज्यातील अनेक जिल्ह्यांतील ग्रामपंचायतींच्या आराखड्यांना मंजुरी.
निधी मनरेगा व राज्य रोहयो योजनांतर्गत उपलब्ध.
खरीप हंगामानंतर कामे सुरू करण्याचे आदेश.
रस्ते कामे महसूल नकाशांतील हद्दीतच व कायदेशीर संमतीनिशी करावीत.
भ्रष्टाचारमुक्त, पारदर्शक अंमलबजावणीवर शासनाचा विशेष भर.
चळवळीचा विजय :
शरद पवळे यांनी अनेक वर्षे राज्यभर फिरून शेतकऱ्यांचा आवाज शासनापर्यंत पोहोचवला.
त्यांच्या नेतृत्वाखालील “शेत तिथे रस्ता, गाव तिथे समृद्धी” या चळवळीने न्यायालयीन व प्रशासकीय स्तरावर सतत लढा दिला.
आज या निर्णयामुळे शेतकऱ्यांना त्यांच्या शेतापर्यंत सुलभ रस्ता मिळविण्याचा मार्ग खुला झाला आहे.
पवळे यांची प्रतिक्रिया
“हा विजय प्रत्येक शेतकऱ्याचा आहे. शासनाने निर्णय घेतला आहे, पण प्रत्यक्ष अंमलबजावणी होईपर्यंत आमचा संघर्ष सुरूच राहील.” — शरद पवळे
ग्रामीण भागात आनंद :
या निर्णयामुळे ग्रामीण भागात समाधान व उत्साहाचे वातावरण आहे. ग्रामपंचायतींनी आराखडे सादर करण्याची प्रक्रिया सुरू केली असून, २०२४–२५ आर्थिक वर्षात हजारो शेतरस्त्यांना प्रत्यक्ष निधी उपलब्ध होणार आहे.
शरद पवळे यांच्या अथक संघर्षातून “शेतरस्त्यांचा अधिकार” प्रत्यक्ष शासन निर्णयात उतरला — हा खऱ्या अर्थाने बळीराजाच्या सन्मानाचा विजय!
