रामगोपाल अट्टेला
सिरोंचा तालुका विशेष प्रतिनिधी
9422338922
सिरोंचा: गुरुविण न मिळे ज्ञान, ज्ञानावविण न होई जगी सन्मान या उक्तीचा प्रत्यय नुकताच धर्मराव विद्यालय, सिरोंचा येथे पाहायला मिळाला. विद्यालयाच्या माजी विद्यार्थ्यांनी आयोजित केलेल्या ‘स्नेहसंमेलन’ सोहळ्यात जुन्या आठवणींना उजाळा देतानाच, आपल्या गुरुजनांप्रती कृतज्ञता व्यक्त करत शाळेला वॉटर कुलर फ्रीजर भेट देण्यात आला.
कार्यक्रमाची सुरुवात अत्यंत भावूक आणि पारंपरिक पद्धतीने करण्यात आली. उपस्थित गुरुजनांचे स्वागत लेझिमच्या निनादात आणि उत्साहात करण्यात आले. भारतीय संस्कृतीचा वारसा जपत विद्यार्थ्यांनी आपल्या लाडक्या शिक्षकांचे पाय धुवून (पाद्यपूजन) त्यांचे आशीर्वाद घेतले. आपल्या जुन्या विद्यार्थ्यांनी दिलेला हा मान पाहून अनेक शिक्षकांचे डोळे पाणावले होते.
या सोहळ्याला प्रमुख अतिथी म्हणून **पापय्या सर, फसाद सर, रमण पडिशालवार सर, खाळे सर, भुते सर, बोरकर सर, कासर्लावार सर, हकीम सर, स्वामी मादेशी सर आणि मदनय्या जी** उपस्थित होते. सर्व गुरुजनांनी आपल्या मनोगतातून विद्यार्थ्यांच्या या उपक्रमाचे कौतुक केले आणि प्रगतीचा आशीर्वाद दिला.
केवळ एकत्र येऊन आनंद साजरा न करता, आपल्या शाळेसाठी काहीतरी देणं लागतो या भावनेतून माजी विद्यार्थ्यांनी शाळेला ‘वॉटर कुलर फ्रीजर’ भेट दिला. यामुळे आता शाळेतील विद्यार्थ्यांची पिण्याच्या पाण्याची सोय होणार आहे.
औपचारिक कार्यक्रमानंतर विद्यार्थ्यांनी विविध खेळांचा (Games) आनंद लुटला. सर्वांनी आपली मनोगते व्यक्त करताना शालेय जीवनातील गमतीजमती शेअर केल्या. या कार्यक्रमाच्या यशस्वीतेसाठी श्याम मादेशी, अनिल शिंदे, अनुप दुर्गे, मुकेश गुज्जवार आणि करुणाकर गुडा*आणि त्यांचा सर्व मित्र मैत्रिणी यांनी अतोनात परिश्रम घेतले.
या आगळ्यावेगळ्या स्नेहसंमेलनाची आणि विद्यार्थ्यांनी दाखवलेल्या गुरुभक्तीची सध्या संपूर्ण परिसरात आणि सोशल मीडियावर जोरदार चर्चा सुरू आहे.
