छकुलीच्या पायातील
वाजतात पैंजण
पैजण घालुन ती
फिरते घर अंगण
बोबडे बोल तिचे
सोबत छुमछुम पैजण
डोळे भरून पाहते
मी हे आनंदी क्षण
मी म्हणते तिला तू
नाही का ग थकली?
कर ना थोडा आराम
तुझी बाहुली तर झोपली
नको नको म्हणत
ती गाण्यावर नाचते
पैंजण कसे वाजतात
ती स्वत:ही बघते
छकुलीसाठी चांदीची
पैंजण जोडी
तिला छान म्हटले की
लाजते ती थोडी
छकुली आमची
लाडकी सर्वांची
शोभुन दिसते फार
तिला जोडी पैंजणाची
कवयित्री अनिता कांबळे
यवतमाळ
