प्रशांत रामटेके संपादक प्रबोधिनी न्युज – चंद्रपूर – काँग्रेसच्या राष्ट्रीय नेत्या खा. सोनिया गांधी, लोकसभेचे विरोधी पक्षनेते खा. राहुल गांधी व काँग्रेसच्या जेष्ठ नेत्यांविरुद्ध सत्तेचा दुरुपयोग करून केंद्रातील मोदी सरकार आकसपुर्ण कारवाई करीत आहेत. मोदी सरकारचा हा निर्णय लोकशाही परंपरेला घातक आहे. लोकसभेत प्रबळ विरोधी पक्षाची भूमिका बजावणाऱ्यांवर सुडबुद्धीने कार्यवाही करुन जनसामान्यांचा आवाज दडपण्याचा हा डाव आहे. त्या विरोधात अखिल भारतीय राष्ट्रीय काँग्रेस पक्षाच्या आदेशावरून चंद्रपूर येथे चंद्रपूर जिल्हा व शहर काँग्रेसच्या वतीने जिल्हाधिकारी कार्यालयासमोर दुपारी निदर्शने करून विरोध नोंदविण्यात आला. 
यावेळी जिल्हाधिकारी चंद्रपूर यांच्यामार्फत भारताचे महामहिम राष्ट्रपती द्रौपदी मुर्मु यांना निवेदन देण्यात आले व चंद्रपूर जिल्हातील जनसामान्या नागरिक व कार्यकर्ते यांची न्याय्य मागणी लक्षात घेऊन सदर नेत्यांवरील आकसपुर्ण कार्यवाही थांबविण्यात यावी अशी विनंती करण्यात आली. या आंदोलनात ग्रामीण युवक काँग्रेस ने निषेध व्यक्त करत मोदी सरकार विरोधात फलक दाखविण्यात आले.
यावेळी चंद्रपूरच्या खासदार प्रतिभाताई धानोरकर, चंद्रपूर काँग्रेसचे निरिक्षक आ. अभिजित वंजारी, जिल्हा प्रभारी मुजीब पठाण, जिल्हाध्यक्ष माजी आमदार सुभाष धोटे, महिला जिल्हाध्यक्षा सुनंदा धोबे, शहर जिल्हाध्यक्ष रितेश तिवारी, माजी जिल्हाध्यक्ष विनायक बांगडे, सुभाषसिंग गौर, जिल्हा बँकेचे अध्यक्ष संतोषसिंह रावत, प्रदेश सचिव विनोद दत्तात्रय, युवक काँग्रेसचे जिल्हाध्यक्ष शंतनू धोटे, राजेश अडुर, एनएसयूआयचे जिल्हाध्यक्ष सफाक शेख, प्रवीण पडवेकर, माजी नगराध्यक्ष घनश्याम मुलचंदाणी, अरुण धोटे, सुनीता लोढीया, सुनीता अग्रवाल, चंदा वैरागडे, नंदू नागरकर, अँड. विजय मोगरे, दिनेश चोखारे, उमाकांत धांडे, राजु रेड्डी, तालुकाध्यक्ष विजय गावंडे, अनिल नरुले, गोविंदा उपरे, नितीन गोहणे, रंजन लांडे, उत्तमराव पेचे, देविदास सातपुते, वासुदेव पाल, गुरूदास गुरूनुले, रमाकांत लोधे, खेमराज तिडके, प्रमोद चौधरी, निर्मला कुडमेथे, सोनू दिवसे, यासह चंद्रपूर जिल्हा काँग्रेसच्या सर्व फ्रंटल आर्गनायझेशन चे पदाधिकारी, कार्यकर्ते मोठय़ा संख्येने उपस्थित होते.
