जन्मापासून मृत्यूपर्यंत
अपेक्षा कधी संपत नाही,
वाढते अपेक्षांचे ओझे
सुन्न होतात दिशा दाही ।।1।।
अरे माणसा कशासाठी सारे
खेळतोस उगीचच खेळ,
अंथरूण पाहून पाय पसरावे
तेव्हाच खरा बसेल मेळ ।।2।।
लाभला सुंदर मनुष्य जन्म
त्याचा आनंद जगून घे ,
माझं माझं कुठवर करतोस
तुझा स्वार्थीपणा सोडून दे ।।3।।
सुखदुःखाचे सोबती भोवती
दृष्टी तुझी स्वच्छ ठेव,
हाकेला तुझ्या धावतील सारे
माणसा माणसात भेटेल देव।।4।।
मनाला तुझ्या घाल लगाम
सहज होणार नाही हार,
अपेक्षांची पूर्ती होण्यासाठी
कष्ट सोसावे लागतात फार ।।5।।
सौ. यादव उज्ज्वला राजेंद्र
हडपसर, पुणे.
