दामिनी म्हणजे वीज
तळपती आग जीवनात
तशीच आजची ललना
खर्चे आयुष्य स्वत्व मिळण्यात
उगीच नाही तुलना दामिनीशी
करी सगळा जमाना स्त्री चा
अष्टपैलू व्यक्तिमत्त्व लाभते
आशीर्वाद भरभरून दुर्गा देवीचा
अबला नारीने उचलावा विडा प्रतिकाराचा
अन्यायाविरुद्ध सन्मानाने लढून जगण्याचा
विसरु नकोस तुच आहेस सावित्री, दामिनी
तू नाहीस तर काहीच नाही लक्षात ठेवण्याचा
कर्तव्य तत्पर, प्रेमळ, करारी न् अष्टावधानी
तुच कर्ता तुच धर्ता समंजस कष्टाळू गुणी
कितीही कौतुक केले तरी आहे ते कमी
करारी, प्रसंगी कठोर तरीही गोड वाणी
कधी आला कंटाळा ,निराशा न् औदासीन्य,
उठ, मोकळा श्वास घे, प्रसन्नतेने घे भरारी
कर निर्दालन दुष्टांचे काली, दुर्गा, चंडीके
विसरु नकोस ओळख तुझी दामिनी हीच खरी
(स्वरचित)
नीला चित्रे
चिंचवड पुणे
