स्वच्छतेने होई | रोगराई दूर|
संदेश स्विकार | बहूमोल ||१||
घेऊन खराटा |गाडगे सोबती |
कार्य मोठे हाती | स्वछकरी||२||
अज्ञाना महती | शिक्षणाची देती |
शिकून सावरा | जीवनाशी ||३||
कोंबडे बकरे | नवसाला देती |
अघोरी पध्दती | सोडविण्या||४||
समाज जागृती | करण्या किर्तने|
ग्रामी आवडीने| चालविती ||५||
दिन दुबळ्यांची | सेवा करी फार|
तोची एक थोर | जगामध्ये ||६||
शिक्षणाचे खरे | महत्व सांगोनी|
सान थोर मनी | नाही भेद ||७||
संत माऊली ती | जगी प्रगटली |
लेकरा सावली | अनाथांची ||८||
स्वछतेचे दुत | महाराष्ट्रात हे |
गाडगेबाबा हे | राष्ट्रसंत ||९||
सौ.सविता संजय भोयर
राजुरा जिल्हा चंद्रपूर
