आम्रतरु मोहरला
कोकीळ गाऊ लागला
गंधीत मोगरा दरवळला
मोहक सोनचाफा बहरला
पानगळी वृक्षांवर कोवळी नवीन पालवी फुटली
हिरव्यागार पानांवर
रंगफुलांची उधळण जाहली.
वसंत ऋतुच्या आगमने
सारी सृष्टी बहरली
चैतन्य मयी स्पर्शाने
वनराणी मनोमनी मोहरली.
पक्षांच्या प्रेम अलापी
पहाट सूरमयी जाहली
तनामनावर रती -मदनाने
गहरी जादू केली.
आंबट गोड फळांची
रेलचेल जाहली.
थंड पन्हे कैरीची डाळ
जिभेवर चव रेंगाळली
वसंत ऋतूच्या कौतुक सोहळी
मने रंगूनीया गेली
अमूर्त रंगार्याने सृष्टीवर
रंगांची उधळण केली.
अंजली गरगटे.(पुणे)
