हास्य देवाची देणगी
मानवा लाभते वरदान
हास्य अलंकार मानवाचा
हसरा चेहरा दिसतो सान. 1)
निरागस हास्य बाळाचे
निरागस हास्य मैत्रीचे
निरागस भाव उमटती
आजीच्या बोळक्या मुखाचे.2)
निरागस हास्य पहाता
मनी पसरते चांदणे आनंदाचे
निरागसता जपून ठेवत
भान राखावे मानवतेचे. 3)
हास्य जोडते मनामनाला
प्रेम भाव वाढतो नात्यात
हसरी माणसे आवडती
सकलांस मैत्री भावात. 4)
फुलांच्या ठायी असतो
निरागस हास्याचा वास
आनंदात नाचती गाती
निरागस हास्यात देवाचा निवास. 5)
अंजली गरगटे
पुणे
