प्रबोधिनी मंच महाराष्ट्र साहित्य समूह तर्फे विशेष कविता – प्रेम म्हणजे प्रेम

प्रेमविना जग सुने
प्रेम नाही तर सारे उणे
प्रेम लाभे प्रेमळाला
प्रेम जीवाचा जीव्हाळा
प्रेम द्यावे प्रेम घ्यावे
प्रेम सकलांना वाटावे
प्रेमाची जातन्यारी
माया ममता वत्सल भारी
हृदयाच्या कोंदणात
उजळते प्रेम जोत
सहज़ शुद्ध निर्मळ भाव
निर्व्याज आणि सात्विक भाव
मित्रमैत्रिणीचे प्रेम लाडिवाळ
अवीट गोड स्वहृदय रसाळ
बंधू भगिनी प्रेमाचे नाते अनमोल
नाही उपमा तयाला पवित्र सुंदर
पती पत्नीचे मंगलप्रेम
हृदयविना गाते गीत रुनझुन
जे प्रेम कधी ना दिसते वरवर
परी जे नित्यची फुलवी अंतर
प्रेमाला नसते भाषा
नयन बोलती मुग्ध भाषा
नेत्र पल्लवीतूनही उमजते
प्रेम बहरते प्रेम नांदते
ढोंगी मतलबी प्रेमाची
असते एक जात
वरपांगी बोलून जे
करते विश्वासघात
प्रेम विकत मिळे ना बाजारी
ना मिळे कधी शेजारी
प्रेम सजवू प्रेम रुजवू
प्रेमाचे नाते घट्ट रुजवू
या प्रेमाचा करूया गौरव
प्रेमा मुळेच जगते‌ मानव!

निर्मला ज्ञानेश्वर बोरकर
नागपुर