धरतीच्या उदरातून उगवे अंकुर चिमुकला
चमत्कार हा मातृप्रेमाचा पान्हा फुटला
प्रेमच आहे दुसरे काय आईचा प्रवास
नवनिर्मितीची निसर्गाची पूर्ण जाहली आस
खडकातून हळूच डोकावे एक हिरवे रोप
मायेचा विस्मयकारी प्रवास आईचेच हे रूप
सामावले अवघे विश्व आईच्या जिव्हाळ्यात
नसते ते प्रेम कधी कधी सगळ्यांच्या नशिबात
मातृप्रेमाचा योग आहे हा ज्यांच्या भाग्यात
ते खरे नशीबवान तिचा वाटा त्यांच्या उत्कर्षांत
खडतर, कठीण, मऊ कितीक आहेत अविष्कार
जिथे आई तिथे मात्र फुलतो फक्त प्रेमाविष्कार
आई तूच आदी तूच अंत हे जाणले ज्याने
सुख, समाधान, ऐश्वर्य मिळून जगे समाधाने
आई कायमच तुला माझे शत शत नमस्कार
वाढदिवसाच्या तुला शुभेच्छा कर शंभरी पार
(स्वरचित)
©® नीला चित्रे
चिंचवड, पुणे
