तृप्ती चिद्रावार कार्यकारी संपादिका प्रबोधिनी न्युज – अमरावती: येथील ह्युमॅनिटी एज्युकेशनल अँड मल्टि सोसायटीच्या वतीने आयोजित एका विशेष सोहळ्यात चंद्रपूरचे तरुण तडफदार सामाजिक कार्यकर्ते आणि पत्रकार प्रशांत ताराचंद रामटेके यांचा सन्मान करण्यात आला. संस्थेच्या अध्यक्षा डॉ. हसीना शाह यांच्या अध्यक्षतेखाली आणि मान्यवरांच्या उपस्थितीत हा सोहळा उत्साहात पार पडला.
मान्यवरांच्या हस्ते गौरव
कार्यक्रमाला प्रमुख पाहुणे म्हणून सच्चिंद शिंदे, सुनील पिंपळकर आणि अनुराधा मरचट्टीवार उपस्थित होते. या मान्यवरांच्या शुभहस्ते प्रशांत रामटेके यांना पर्यावरणाचे प्रतीक म्हणून ‘पुष्पवृक्ष’ देऊन सन्मानित करण्यात आले. समाजाप्रती असलेल्या त्यांच्या निष्ठेची दखल यावेळी घेण्यात आली.
संघर्षमय आणि प्रेरणादायी प्रवास
प्रशांत रामटेके यांनी अतिशय गरीब परिस्थितीतून आपल्या प्रवासाला सुरुवात केली. आज ते सामाजिक, राजकीय आणि पत्रकारिता अशा विविध क्षेत्रांत सक्रिय आहेत. अनेक संघटनांच्या माध्यमातून ते जनसामान्यांचे प्रश्न मांडत असतात. सध्या ते ‘प्रबोधिनी न्यूज’ च्या माध्यमातून पत्रकारितेच्या क्षेत्रात कार्यरत असून, समाजातील अन्यायावर वाचा फोडून वंचितांना न्याय मिळवून देण्याचे महत्त्वपूर्ण कार्य करत आहेत.
सर्वत्र कौतुकाचा वर्षाव
प्रशांत रामटेके यांच्या सामाजिक कार्याची दखल यापूर्वीही विविध स्तरावर घेण्यात आली असून, त्यांना अनेक पुरस्कारांनी गौरवण्यात आले आहे. त्यांच्या या कार्याचे कौतुक केवळ विदर्भातच नव्हे, तर सर्वत्र होत आहे. त्यांच्या या यशाबद्दल आणि गौरवाबद्दल सर्व स्तरातून अभिनंदनाचा वर्षाव होत आहे.
खूप खूप अभिनंदन आणि पुढील वाटचालीस शुभेच्छा सर
सर तुमची मेहनत जिद्द आणि चिकाटी खरोखरच कौतुकास्पद आहे. यशाचा हा प्रवास असाच सुरू राहो