सुखाचा शोध घेता घेता
आले अडथळे किती
चालता चालता वाटेत
वाटे मज भिती…..१
वाटेत किती काटे
दिसे ना मज फाटे
मनात काहूर माजले
सुख दिसे ना मज वाटे…..२
मिळाले कधी वाटेत फसवे
तर कधी डंक मारणारे भाटे
सुखाचा शोध घेता घेता
रुतले पायात किती काटे…..३
सुखाचा शोध घेता घेता
सुटले वादळ,वारे
पावसात नाव्हून निघाले
वाहून गेले सारे……४
माजले मनी काहूर
करून घ्यावा अंत
का दुःखात जगावे
मिटेल मनाची खंत….५
सुखाचा शोध घेता घेता
दुःख सारे सहन केले
येता सुख दारी माझ्या
आनंदात न्हाऊन निघाले….६
सौ रंजना धर्मपाल आटे
जिल्हा वर्धा
