प्रशांत रामटेके
मुख्य संपादक
प्रबोधिनी न्युज
भद्रावती येथील ऐतिहासिक विजासन लेणी येथे भगवान गौतम बुध्दाच्या प्राचीन मुर्ती आहेत. यापैकी वरील भागात असलेल्या एका मुर्तीला दि. 31 डिसेंबर 2023 चे रात्रीतून काही समाजकंटकांनी विटंबना केल्याचा प्रकार घडला आहे. या घटनेमुळे भद्रावती शहरात खळबळ उडाली आहे.
या प्रकरणी आम आदमी पार्टी भद्रावतीचे शहर उपाध्यक्ष सुमित हस्तक यांनी भद्रावती चे पोलीस निरीक्षक बिपिन इंगळे साहेब यांना कारवाई करण्याची मागणी केली आहे. आम आदमी पार्टी भद्रावतीचे शहर उपाध्यक्ष सुमित हस्तक यांनी म्हटले आहे की, भद्रावती शहरात नागरिक शांतताप्रिय, जातीय सलोखा तसेच कायदा व सुव्यवस्थेला सहकार्य करणारे आहेत. परंतु अशा प्रकारच्या घटनांमुळे जातीय तेढ निर्माण होण्याची शक्यता आहे. त्यामुळे या प्रकरणात त्वरित कारवाई करून दोषींना अटक करणे आवश्यक आहे.
आम आदमी पार्टी भद्रावतीचे शहर उपाध्यक्ष सुमित हस्तक यांनी पोलिस प्रशासनाला तात्काळ दोषींना अटक करण्याची विनंती केली आहे. अन्यथा भद्रावती तालुका आम आदमी पार्टी रस्त्यावर उतरुन न्यायासाठी तीव्र आंदोलन करेल, असा इशारा त्यांनी दिला आहे.
