प्रशांत रामटेके
मुख्य संपादक
प्रबोधिनी न्युज
चंद्रपूर जिल्ह्यात बरेच दिव्यांग बांधव असून ते विविध शासकीय योजनांपासून वंचित राहत आहे.त्यामुळं जिल्ह्यातील विविध घटकातील दिव्यांग बांधवांचे त्यांच्या घरी जाऊन सर्वेक्षण करून त्यांना प्रमाणपत्र देण्यात यावे अशी मागणी उलगुलान संघटनेचे अध्यक्ष राजू झोडे यांनी केली असून तसे निवेदन सिव्हिल सर्जन यांना देण्यात आले आहे.
जिल्ह्यात बरेच दिव्यांग बांधव असून त्यांचे अजूनही शासनामार्फत सर्वेक्षण झाले नाही.तसेच त्यांना विविध शासकीय कार्यालयात ये जा करावी लागत असून त्यांना आर्थिक व मानसिक त्रास सहन करावा लागत आहे.त्यामुळं अधिकारी व कर्मचाऱ्यांनी जिल्ह्यातील प्रत्येक दिव्यांग बांधवांचे सर्वेक्षण करून त्यांना प्रमाणपत्र देण्यात यावे अशी मागणी राजू झोडे,श्याम झिल्लपे, गुरू कामटे, मंगेश नौताम, शैलेश वनकर यांनी केली आहे.
