डॉ. अशोक नेते यांची बक्षीस समारंभ वितरणाला उपस्थिती
सुप्रसिद्ध गायक सोनू निगम यांचे बहारदार सादरीकरण या ही कार्यक्रमाला मा.खा.डॉ. अशोक नेते उपस्थित..
गडचिरोली प्रतिनीधी प्रबोधिनी न्युज – १९ मार्च २०२५ – लॉइड्स मेटल्स अँड एनर्जी लिमिटेडच्या वतीने आयोजित गडचिरोली प्रीमियर लीग (जीडीपीएल) २०२५ च्या अंतिम सामन्यात गडचिरोली हेरिकेन्स संघाने शानदार विजय मिळवत विजेतेपद पटकावले, तर गडचिरोली वॉरियर्स पोलीस संघ उपविजेता ठरला. या चुरशीच्या लढतीने प्रेक्षकांनी मनमोहक मज्जा करत आनंद घेतला.
या बक्षीस वितरण समारंभात भाजपा अनुसूचित जनजाती मोर्चाचे राष्ट्रीय महामंत्री,तथा मा.खा. डॉ. अशोक नेते प्रमुख पाहुणे म्हणून उपस्थित होते. त्यांच्या हस्ते सामन्यातील उत्कृष्ट खेळाडूंना गौरविण्यात आले व मान्यवरांसह विजेत्या व उपविजेत्या संघाना बक्षीस वितरण सोहळा करण्यात आले. यावेळी डॉ. नेते यांनी खेळाडूंना प्रोत्साहन देत, गडचिरोलीतील क्रिकेटला चालना देणाऱ्या या स्पर्धेचे व आयोजकांचे कौतुक केले.
स्पर्धेचा रोमांच अनुभवण्यासाठी प्रेक्षकांनी मोठी गर्दी केली होती. अंतिम सामना थेट स्टेडियम च्या गॅलरीत बसून पाहण्याचा आनंद मान्यवरांनी व क्रीडारसिकांनी घेतला. गडचिरोली प्रीमियर लीग (जीडीपीएल) मुळे जिल्ह्यात क्रीडा संस्कृतीला नवे बळ मिळाले असून, युवा खेळाडूंना मोठ्या संधी उपलब्ध होत आहेत.
यावेळी गडचिरोली जिल्हयाचे सहपालकमंत्री मा.ना. आशिष जयस्वाल, माजी मंत्री तथा आमदार मान. धर्मराव बाबा आत्राम, जिल्हाधिकारी अविशयांत पंडा,माजी आमदार डॉ. देवराव होळी, भाजपा जिल्हाध्यक्ष प्रशांत वाघरे, माजी आमदार डॉ. नामदेव उसेंडी, लाँयङ्स अँड मेटल्स चे व्यंकटेशजी,पद्मश्री डॉ. परशुराम खुणे,माजी आमदार दिपक आत्राम, शिवसेनेचे जिल्हा प्रमुख राकेशजी बेलसरे, तसेच मोठ्या संख्येने लाँयङ्स मेटल्सचे पदाधिकारी व ,खेळाडू श्रोते व प्रेक्षक उपस्थित होते.
गडचिरोली एमआयडीसीत सुप्रसिद्ध गायक सोनू निगम यांचे बहारदार सादरीकरण
मा.खा.डॉ. अशोक नेते यांचीही कार्यक्रमाला उपस्थित..
गडचिरोली गडचिरोली एमआयडीसी येथे सुप्रसिद्ध गायक सोनू निगम यांच्या सुरेल आवाजाने रसिक मंत्रमुग्ध झाले. या भव्य संगीत कार्यक्रमाचा आनंद मा.खा.तथा भाजप अनुसुचित जनजाती मोर्चाचे राष्ट्रीय महामंत्री डॉ. अशोक नेते यांनी मान्यवरांसोबत आणि प्रेक्षकांसोबत घेतला.
संगीतप्रेमींनी सोनू निगम यांच्या सुरेल गाण्यांचा मनमुराद आनंद घेतला, हा सोहळा गडचिरोलीसाठी अविस्मरणीय ठरला.
