विशेष जिल्हा प्रतिनिधी, ठाणे मोजीस परमार 8104170564 : भाईंदर – रस्ते दुरुस्तीच्या नावाखाली महापालिका प्रशासन कोट्यवधी रुपये खर्च करते. परंतु कंत्राटदारांनी केलेल्या निकृष्ट कामामुळे रस्ते पहिल्याच पावसात खराब होतात. प्रशासकीय यंत्रणेतील मनमानी आणि अधिकाऱ्यांच्या जबाबदारीच्या अभावामुळे संपूर्ण शहरातील रस्त्यांवर एक भयानक आणि चिंताजनक परिस्थिती निर्माण झाली आहे. ‘रस्त्यात खड्डे की खड्ड्यांमध्ये रस्ते’ या मुद्द्यावर आयुक्तांकडून उत्तर मागण्यासाठी, मीमिर-भाईंदर शहर जिल्हा काँग्रेसने माजी आमदार मुझफ्फर हुसेन यांच्या मार्गदर्शनाखाली जिल्हाध्यक्ष प्रमोद सामंत यांच्या नेतृत्वाखाली भाईंदर पोलिस स्टेशनपासून महापालिका मुख्यालयापर्यंत निषेध मोर्चा काढला आणि महापालिका मुख्यालयाच्या प्रवेशद्वाराजवळ निषेध केला. यावेळी जोरदार घोषणाबाजी करण्यात आली. काँग्रेसच्या एका शिष्टमंडळाने कडक पोलिस बंदोबस्तात महापालिका आयुक्त आणि प्रशासक राधाबिनोद शर्मा यांची भेट घेतली आणि रस्त्यांवरील खड्ड्यांमुळे निर्माण झालेल्या समस्येवर तोडगा काढण्याची मागणी केली.
यावेळी आयुक्तांनी तांत्रिक बाबींची माहिती दिली आणि शहरातील अंतर्गत रस्त्यांवरील खड्ड्यांची पाहणी करून तात्काळ अहवाल सादर करण्याचे, अधिकाऱ्यांची जबाबदारी निश्चित करण्याचे आणि सर्वेक्षण करण्याचे आदेश अधिकाऱ्यांना दिले. यावेळी काँग्रेसच्या जिल्हा उपाध्यक्षा आफरीन सय्यद, जिल्हा कार्याध्यक्ष राकेश राजपुरोहित, माजी नगर गटनेते झुबेर इनामदार, माजी नगरसेवक अनिल सावंत, राजीव मेहरा, फरीद कुरेशी, माजी नगरसेविका रुबिना फिरोज, गीता परदेशी, प्रदेश प्रतिनिधी आणि जिल्हा प्रवक्ते प्रकाश नागणे, विकास म्हात्रे, युवा अध्यक्ष सिद्धेश राणे, युवा जिल्हा सरचिटणीस विकी गुप्ता, युवा जिल्हा प्रवक्ते रवी खरात, महिला जिल्हाध्यक्ष रूपा पिंटो, ब्लॉक अध्यक्ष रौफ कुरेशी, युवा नेते विनय मिश्रा आणि अनेक कार्यकर्ते, पदाधिकारी, माजी नगरसेवक उपस्थित होते. निषेधादरम्यान कोणताही अनुचित प्रकार घडू नये म्हणून कडक पोलिस बंदोबस्त ठेवण्यात आला होता.
