किमान वेतन, निश्चित कामाचे तास व सुरक्षेची साधने उपलब्ध करून देण्याची मागणी
सिरोंचा प्रतिनिधी प्रबोधिनी न्युज : सफाई कामगार युनियन संलग्न आयटकची बैठक सिरोंचा येथे पार पडली. या बैठकीस आयटक अहेरी विधानसभा अध्यक्ष कॉ. सचिन मोतकुरवार व आयटकचे कॉ. सुरज जककुलवार यांनी मार्गदर्शन केले.
कामगारांच्या मागण्या अधोरेखित
बैठकीत सफाई कामगारांच्या विविध समस्या व हक्कांवर सविस्तर चर्चा झाली.
* कामगारांना किमान वेतन लागू करावे.
* कामाचे तास निश्चित करावेत.
* काम करताना वापरण्यासाठी सुरक्षा दस्ताने, हातमोजे, बूट, रेनकोट व सफाई साहित्य उपलब्ध करून द्यावे.
* कामगारांना सन्मानाची वागणूक द्यावी.
हे ठराव एकमुखाने मंजूर करण्यात आले.
“सन्मानाने वागणूक मिळाली पाहिजे” – आयटक
यावेळी मार्गदर्शन करताना कॉ. सचिन मोतकुरवार यांनी सांगितले की, “सफाई कामगार समाजाचे अविभाज्य घटक आहेत. त्यांना केवळ मजूर म्हणून नव्हे तर मानवी सन्मानाने पाहिले पाहिजे. किमान वेतन व सुरक्षेची साधने ही त्यांची मूलभूत गरज आहे.”
तसेच कॉ. सुरज जककुलवार यांनी म्हटले की, “कामगारांच्या मागण्या शासनापर्यंत पोहोचवून अंमलबजावणी होईपर्यंत आयटक सतत पाठपुरावा करेल.”
ठरावांची अंमलबजावणीसाठी प्रयत्न
बैठकीत घेतलेल्या ठरावांची अंमलबजावणी करण्यासाठी स्थानिक स्वराज्य संस्था व शासनाकडे सातत्याने मागणी करणार असल्याचे युनियनने जाहीर केले.
या बैठकीस सफाई कामगारांची उपस्थिती होती व आपल्या हक्कांसाठी संघटित पद्धतीने लढा देण्याचा निर्धार कामगारांनी दर्शविला.
