गडचिरोली प्रतिनिधी प्रबोधिनी न्युज नेटवर्क – गडचिरोली दि. २१- सहकार महर्षी श्री अरविंद सावकार पोरेड्डीवार यांच्या प्लाॕट मुळे गडचिरोली पोलीस स्टेशनमागे बीएसएनएल क्वार्टरच्या समोर रस्त्यावर पाणी साचले असून या रस्त्याने जाणाऱ्या येणाऱ्यांना त्रास सहन करावा लागत आहे व या प्लाॕटवर पाणी व कचरा साचल्याने घाणीचे साम्राज्य निर्माण झाले आहे परीणामी या परिसरातील नागरिकांच्या आरोग्यास धोका निर्माण झाला आहे. सहकार महर्षी अरविंद सावकार पोरेड्डीवार यांच्या गडचिरोली शहरात अनेक ठिकाणी प्लाॕट व जमिनी आहेत. पोलीस स्टेशनमागे त्यांची अंदाजे दोन एकर जमिन होती त्यापैकी बहुतांश जागा बीएसएनएल क्वार्टरसाठी अधिग्रहण करण्यात आली उर्वरीत जागा गेल्या २५-३० वर्षापासून पडित आहे. ही जागा सावकार विकतही नाहीत व बांधकामही करीत नाही त्यामुळे या जागेवर नागरीक कचरा टाकतात व डुकरांचाही वावर असतो. नगर परिषदेकडून चामोर्शी रोडवरील पाटबंधारे विभाग ते बीएसएनएल क्वार्टर पर्यंत च्या सिमेंट रोडचे बांधकाम सुरु केले तेंव्हा बीएसएनएल क्वार्टर समोरून रस्ता बांधकामास सावकारांनी विरोध केला व बांधकाम थांबविले आहे. इंदिरा गांधी चौकात मोर्चे किंवा चक्काजाम असल्यास याच मार्गाचा पर्यायी मार्ग म्हणून शहरातील नागरिक वापर करतात. याबाबतीत अरविंद सावकार व नगर परिषदेला सुचना देऊन ही याकडे दुर्लक्ष केले जात आहे. गडचिरोली व रामपूर तुकुम या जुन्या गावाची सरहद्द होती व रस्ताही अस्तित्वात होता. परंतु नगर परिषदेकडून हा रस्ता बंद करून नविन रस्ता काढल्याने समस्या निर्माण झाली आहे. तरी नगर जुन्या रस्त्याचे बांधकाम करावे व या परीसरात घाण होणार नाही याची उपाययोजना करावी अशी मागणी पत्रकार सुरेश पद्मशाली यांनी केली आहे.
