प्रथम आमचे । माय बाप गुरू
पूजा त्यांची करू।खरोखर ।।१।।
दुसरे वंदन । गुरूच्या चरणी
मन समाधानी ।होत असे ।।२।।
आम्हाला मिळते । गुरुमुळे ज्ञान
गुरू हे महान।।जगामध्ये ।।३।।
गुरुमुळे मार्ग । सुकर हे होतो
गुरू ज्ञान देतो।शिष्यगण ।।४।।
गुरू आहे ज्ञानी । जीवनी आधार
शिष्यांचा उद्धार।होत असे ।।५।।
गुरूच्या चरणी । टेकवीत माथा
थोर अशी कथा ऐका जरा ।।६।।
गुरुची ही वाणी । अमृताची धार
जगाचा उद्धार।केला त्यांनी ।।७।।
प्रा. समिंदर निवृत्तीराव शिंदे
लातूर
