सदाफुली फुलतेय
सदाकाळ अंगणात
शुभ्र तिचा रंग वसे
मनाच्याच कोपऱ्यात
सुंदर अशी दिसणारी
देव्हार्याला करी सुशोभीत
भगवंताच्या चरणी जणू
राहतेच ती आनंदीत
सडा पडतो सदाफुलीचा
असतो एखाद्या सहलीप्रमाणे
सर्व फुले असतात वेगवेगळे
वाटतात एकाच परिवाराप्रमाणे
बहर फुलांचा येतोय छान
सुगंधरहित फुले असूनही
वाटतातच ती मनमोहक
झाडावरती हसती बसूनही
वर्षभर असे सदाफुली
फुलते ती सदोदित
सकाळी पाहून तिला मन
होते सदा अल्हादित
रंजना भैसारे, नागपूर
