निशब्द शीतल वात
उकलते महान अर्थ
आघात कितीही यातनेचे
जळणे हा तिचा धर्म (१)
काळोखी रात्र जरी
करते अंधकारावर मात
देह झिजवी अविरत
देते प्रकाशाची साथ(२)
वादळ वारा पाऊस
करी प्रयत्न अडवण्याचा
तक्रार नाही कशाची
निर्धार सदा जळण्याचा(३)
कधी समजून घ्यावी
तिची जळण्याची जिद्द
प्रेरणा ती संयमाची
होई प्रत्येक वेळी सिद्ध (४)
वात छोटी जरी
किर्ती आहे मोठी
स्वतःचं दुःख विसरून
विश्वासाने राही पाठी(५)
दुसऱ्यांना दिला आधार
वंदन इवल्याश्या वातीला
मंद मंद श्वासातूनही
जन्म देई क्रांतीला (६)
डॉ.स्मिता गजभिये /तिरपुडे
लाखनी,जिल्हा.भंडारा
