आज सोनपावलांनी
माझी गवरबाई आली
दोन दिवसांची पाहुणी
साजशृंगार ही ल्याली.
तुझ्या गणरायाचा बघ
किती केला थाटमाट
तुझ्यासाठी मांडला मी
सोनियाचा पाट.
पंचपक्वानांची बघ
तयारी सुरू केली
काजळाचं काळ तीट
लाविते तुझ्या गाली
लय देखणी तु माय
शंभु देवाची पार्वती
तुझ्या रूपाचा गोडवा
सांग मी गाऊ किती.
तुझ्या येण्याने माझे
घर आनंदुन जाते
तुझ्या पावलांनी
घरात सुखसमृद्धी येते.
सौ सुनंदा बाळासाहेब वाळुंज ठाणे
