गडचिरोली प्रतिनिधी प्रबोधिनी न्युज – साहित्य अर्चन मंच, नागपूर या संस्थेतर्फे दरवर्षी २० मराठी आणि हिंदी साहित्यिकांना उत्कृष्ट पुस्तक निर्मीतीसाठी व पाच विविध क्षेत्रातील कार्यरत मान्यवरांना त्यांच्या सामाजिक सेवेबद्दल पुरस्कृत करण्यात येते. व पुरस्कारप्राप्त साहित्यिकांना साहित्य अर्चंन मंचच्या वार्षिक साहित्य संमेलनात उत्कृष्ट साहित्यिक पुरस्काराने सन्मानित करण्यात येते.
राष्ट्रीय स्तरावर अत्यंत मानाचा समजला जाणाऱ्या या पुरस्काराकरीता मराठी साहित्य प्रकारात झाडीपट्टीतील नाटककार चुडाराम बल्हारपुरे यांच्या मधुश्री पुणे प्रकाशित ‘गोंडवानाचा महायोध्दा : क्रांतिवीर बाबूराव शेडमाके’ या नाटकास यंदाचे नाट्यलेखनाचे पारितोषिक जाहीर करण्यात आल्याचे साहित्य अर्चन मंच चे अध्यक्ष नरेंद्र परिहार व स्पर्धा प्रमुख गोविंद उपाध्याय यांनी कळविले असून अर्पण हॉल , पहिला माळा, विदर्भ हिंदी साहित्य सम्मेलन, मोरभवन, सीताबर्डी, नागपुर येथे दि. ०८/ ११/ २०२५ , शनिवारी दु. १.०० वा. होणाऱ्या साहित्य संमेलनात हा पुरस्कार प्रदान करण्यात येणार आहे.
या पुरस्काराचे स्वरूप रोख रक्कम, सन्मानचिन्ह, सन्मान वस्त्र, व सन्मानपत्र असे आहे. विशेष म्हणजे या नाटकास यापूर्वी कंथेवाडी , ता. राधानगरी जि. कोल्हापूर येथील गगनगिरी महाराज साहित्य गौरव पुरस्कार – २०२३, मौजा फलटण (जिल्हा- सातारा) येथील धर्मविर संभाजी महाराज उत्कृष्ट साहित्य पुरस्कार- २०२४, तितिक्षा इंटरनॅशनल, पुणे यांचे तितिक्षा उत्कृष्ट वांड्.मय पुरस्कार- २०२४, झाडीबोली साहित्य मंडळ, गडचिरोली यांचे उत्कृष्ट साहित्य पुरस्कार – २०२४ प्राप्त झाले आहे . शासनाचे वतीने या नाटकाचे आंतरराष्ट्रीय स्तरावर प्रयोग सुरू असून भोपाळ (मध्यप्रदेश) येथे झालेल्या जनयोद्धा राष्ट्रीय समारोहात तसेच चंद्रपूर येथील प्रियदर्शनी हॉल मध्ये राष्ट्रीय आदिवासी नाट्य महोत्सवात या नाटकाचे प्रयोग सादर करण्यात आले आहेत.
चुडाराम बल्हारपुरे हे झाडीपट्टीतील राज्य पुरस्कार प्राप्त नाटककार आहेत. त्यांना महाराष्ट्र शासनाचा सन १९९३ चा उत्कृष्ट वांड्.मय पुरस्कार प्राप्त झालेला आहे. आजपर्यंत त्यांची विविध १५ पुस्तके प्रकाशित झाली असून विविध स्तरावरील अनेक पुरस्काराने ते सन्मानीत आहेत.
महामृत्युंजय मार्कंडेश्वर, महापूजा, बहूढंगी समाधीवाले बाबा, स्पेशल रिपोर्ट, धरती आबा:क्रांतीसुर्य बिरसा मुंडा, व गोंडवानाचा महायोध्दा : क्रांतिवीर बाबूराव शेडमाके ही त्यांची गाजलेली नाटके आहेत.
चुडाराम बल्हारपुरे यांच्या या यशाबद्दल प्रा. अरुण बुरे, योगेश गोहणे, यादव गव्हाणे, प्रा. डॉ. श्याम मोहरकर, प्रा. डॉ. जनबंधू मेश्राम, प्रा. डॉ. योगीराज नगराळे, नाट्यश्रीचे दादा चुधरी, दिलीप मेश्राम, राजेंद्र जरुरकर, डॉ. दिपक चौधरी, रमेश निखारे, प्रा. नवनीत देशमुख (साहित्यिक), मधुश्री प्रकाशनचे पराग लोणकर (प्रकाशक) , व इतर साहित्यिक व कलावंतांनी अभिनंदन केले आहे.
