गडचिरोली प्रतिनिधी प्रबोधिनी न्युज – गडचिरोली – स्थानिक ‘नाट्यश्री साहित्य कला मंच, गडचिरोली’ च्या वतीने आठवड्यातील उत्कृष्ट कवी व कविता हा नविन उपक्रम सुरू करण्यात आलेला आहे. त्यानुसार दर आठवड्याला ही स्पर्धा घेण्यात येते. या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते. या कवितेला आठवड्याची उत्कृष्ट कविता व कवीला आठवड्याचे उत्कृष्ट कवी म्हणून पुरस्कृत करण्यात येते. व पुरस्कार म्हणून एक पुस्तक व आकर्षक प्रमाणपत्राने गौरविण्यात येते.
या उपक्रमाचे चौत्तिसावे सत्र नुकतेच पार पडले असून यात ३४ कवींनी सहभाग नोंदविला होता. या स्पर्धेचा निकाल नुकताच जाहीर करण्यात आला असून त्यात गडचिरोली येथील कवी ॲड. पी. डी. काटकर यांची आठवड्याचे उत्कृष्ट कवी व त्यांच्या “स्वप्नमय वास्तव” या कवितेची आठवड्याची उत्कृष्ट कविता म्हणून निवड करण्यात आली आहे. असे नाट्यश्री चे संचालक व नाटककार चुडाराम बल्हारपुरे, व कविता विभाग प्रमुख योगेश गोहणे यांनी कळविले आहे.
पुंडलिक धर्माजी काटकर हे गडचिरोली येथील प्रसिद्ध कवी असून ते ‘माणिकपूत्र’ या टोपणनावाने कविता लिहीतात. त्यांचे ‘मुल्य संस्कार गीते’ व ‘कळा या लागल्या जीवा’ हे कवितासंग्रह प्रकाशित असून, ‘असाही एक जोडीदार’ कादंबरी, ‘कथा आणि व्यथा’ कथासंग्रह, व ‘जीवनगाणी’ हा काव्य संग्रह प्रकाशनाच्या मार्गावर आहे. त्यांना सामाजिक कार्याची आवड आहे. विविध पुरस्काराने ते सन्मानित आहेत.
त्यांच्या या यशाबद्दल नाट्यश्री चे प्रा.अरुण बुरे, दादा चुधरी, दिलीप मेश्राम, प्रा. यादव गहाणे तसेच नाट्यश्री च्या सदस्यांनी त्यांचे अभिनंदन केले आहे.
या चौतिसाव्या सत्राच्या स्पर्धेत प्रामुख्याने जयराम धोंगडे, कृष्णा कुंभारे, प्रेमिला अलोने, मधुकर दुफारे, संगीता ठलाल, सुभाष धाराशिवकर, राजेंद्र यादवराव सोनटक्के, वामनदादा गेडाम, पुनाजी कोटरंगे, तुळशीराम उंदीरवाडे, केवळराम बगमारे, अजय राऊत, ज्योत्स्ना बन्सोड, रोहिणी पराडकर, संगीता रामटेके, मुरलीधर खोटेले, माधुरी आमृतकर, पुरुषोत्तम दहिकर, कृष्णा कुंभारे, प्रिती ईश्वर चहांदे, वकिल शेख, रेखा दिक्षित, वसंत चापले, पी. डी. काटकर, डॉ. मंदा पडवेकर, वंदना सोरते, विलास टिकले, सुरेश गेडाम, सोनाली रायपुरे, उकंडराव नारायण राऊत, शैला चिमड्यालवार, पुरुषोत्तम लेनगुरे, खुशाल म्हशाखेत्री, मंदाकिनी चरडे इत्यादी कवींनी सहभाग नोंदविला होता.
या पुरस्काराचे वितरण नाट्यश्रीच्या पुढील कार्यक्रमात करण्यात येणार आहे.
