मुंबई प्रतिनिधी प्रबोधिनी न्युज नेटवर्क – राष्ट्रीय रिपब्लिकन पक्षाच्या केंद्रिय कार्यकारिणीवर सचिव म्हणून श्रीकांत नायक यांची नियुक्ती राष्ट्रीय अध्यक्ष अण्णासाहेब कटारे यांनी मुंबई येथील मराठी पत्रकार भवन आझाद मैदान मुंबई येथे पत्रकार परिषद घेऊन घोषणा केली.पत्रकार परिषदेस संबोधित करतांना अण्णासाहेब कटारे यांनी सांगितले की राष्ट्रीय रिपब्लिकन पक्षाची ताकद दिवसेंदिवस महाराष्ट्रासह इतर राज्यात देखील झपाट्याने वाढत आहे सर्वच समाजघटक राष्ट्रीय रिपब्लिकन पक्षा मध्ये दाखल होत आहे.
“We Are Republican “आम्ही रिपब्लिकन” हे अभियान संपूर्ण देशात पक्षाचे वतीने प्रभावीपणे सुरू आहे या अभियानास सर्वच स्तरातून उत्स्फूर्त पाठिंबा व समर्थन मिळत आहे. समाजातील जेष्ठ प्रतिष्ठीत व्यक्ती वकील, इंजिनियर, प्राध्यापक,डॉक्टर, साहित्यिक ,शाहीर ,कवी, गायक, उद्योजक, व्यापारी ,कलाकार देखील राष्ट्रीय रिपब्लिकन पक्षात सामील होऊन समाजाला एक नवी दिशा देण्याचा प्रयत्न करीत आहे. पक्षाचा विस्तार सर्वदूर व्हावा यासाठी समस्त नेते/पदाधिकारी/ कार्यकर्ते यांनी जीवापाड मेहनत परिश्रम घेतल्यानेच राष्ट्रीय रिपब्लिकन पक्ष सर्व समाज घटकांत आपले वेगळे स्थान निर्माण करून शकला ही अभिमानास्पद अशीच बाब आहे.
उद्योजक श्रीकांत नायक यांचा संपर्क महाराष्ट्रात तर आहेच परंतू महाराष्ट्राबाहेर देखील असल्याने पक्ष बांधणी साठी ते उपयोगीच पडणार असल्याची खात्री पक्षाला असल्यानेच त्यांच्यावर केंद्रीय सचिव पदाची जबाबदारी सोपवली आहे. असेही अण्णासाहेब कटारे यांनी पत्रकार परिषदेत बोलतांना सांगितले.
या पत्रकार परिषदेस पक्षाचे केंद्रीय महासचिव पोपटराव सोनवणे, केंद्रीय सचिव श्रीकांत नायक, राष्ट्रीय सल्लागार नंदकुमार जोशी, युवा नेतृत्व बिपिन कटारे, महाराष्ट्र प्रदेश जनसंपर्क प्रमुख सचिन भाऊ नांगरे, मराठवाडा अध्यक्ष संतोष मोकळे, मुंबई प्रदेश प्रभारी वसंतराव वाघमारे, मुंबई प्रदेश अध्यक्ष अनंत पांचाळ, मुंबई प्रदेश उपाध्यक्ष बाबासाहेब खरात, मुंबई प्रदेश सचिव विश्वास कांबळे, नाका कामगाराध्यक्ष सागर पिल्ले, औरंगाबाद संदीप गायकवाड, नाशिक जिल्हा ग्रामीण नेते शिवाजीराव गायकवाड, युवा आघाडी हितेश भालेराव, प्रशांत कटारे, उमेशचंद्र सदाफुले आदी पदाधिकारी कार्यकर्ते उपस्थित होते.
