मध्यप्रदेशातील महुगावी
डॉक्टर बाबासाहेब आंबेडकरांनी
भिमाबाई रामजी बाबांच्या पोटी
जन्म घेतला विश्वरत्नानी
चौदा एप्रिल अठराशे एक्याणव
चौदावे अपत्य जन्मले
भर दुपारी बारा वाजता
भीमराव नाव तयाचे ठेविले
सातारा येथील कॅम्प स्कुल
भीमरावांचे प्राथमिक शिक्षण
दापोलीत ही काही काळ
मातोश्रींचे झाले निधन
सहपरिवार आले मुंबईत
लोअर परळमधील डबक चाळीत
अध्ययन झाले सुरू
दहा बाय वीस च्या खोलीत
अवघे चौदा – पंधरा चे वय
रमाबाई सह विवाह ठरला
नऊ वर्षीय अजाण पोर
संसाराचा गाडा सुरू झाला
रोज अठरा तास अभ्यास करून
बडोदा नरेशांची शिष्यवृत्ती घेऊन
अर्थशास्त्र आणि राज्यशास्त्र पदवी
घेतली मुंबई विद्यापीठातून
अमेरिकेच्या कोलंबिया विद्यापीठात
एकोणीसशे पंधरा मध्ये प्रवेशून
प्राचीन भारतीय व्यापार विषयावर
घेतली पीएचडी संशोधन करून
अशिक्षित व गरीब लोकांना
दिला संदेश जागरूक करून
सुरू केले मूकनायक साप्ताहिक
बहिष्कृत भारत मासिक छापून
माझा सलाम महानायकाला
ज्याने दिले संविधान देशाला
लोकशाहीचा अर्थ कळला
शिकुनी संघटीत होवू चला
सौ.वंदना पाटील
मुंबई
