दिपाली पाटील जिल्हा उपसंपादक चंद्रपूर – चंद्रपूर :- भारतीय संविधान हे जगातील सर्वोत्तम संविधान असून त्याचे महत्व जनमाणसांपर्यत पोहोचविण्यासाठी डॉ. बाबासाहेब आंबेडकर शैक्षणिक सहायक संस्थेच्या वतीने चंद्रपूर महाऔष्णिक विद्युत केंद्र CSTPS येथील ट्रेनिंग सेंटर येथे संविधान जागर उपक्रम राबविण्यात आला.
संविधान जागर उपक्रमाला डॉ. बाबासाहेब आंबेडकर शैक्षणिक सहाय्यक संस्था चंद्रपूर चे मुख्य प्रवर्तक अशोक घोटेकर, चंद्रपूर महाऔष्णिक विद्युत केंद्र CSTPS चे कार्यकारी अभियंता चेतना गजभिये, झानेश्वर ढोमणे, श्रावण चव्हाण आदींची प्रमुख उपस्थिती होती.
डॉ. बाबासाहेब आंबेडकर यांची 132 वी जयंती तसेच स्वातंत्र्याचा अमृत महोत्सवाच्या निमित्ताने डॉ. बाबासाहेब आंबेडकर शैक्षणिक सहायक संस्था चंद्रपूर च्या माध्यमातून जिल्ह्यात एक हजार ठिकाणी संविधान जागर उपक्रम राबविण्याचा मानस असून आज दिनांक 01आगस्ट 2024 रोजी CSTPS येथील ट्रेनिंग सेंटर महाऔष्णिक विद्युत केंद्राच्या सभागृहात 161 वा संविधान जागर उपक्रम चंद्रपूर महाऔष्णिक केंद्र चंद्रपूर कार्यकारी अभियंता चेतना गजभिये यांच्या अध्यक्षतेत राबविण्यात आला.
सदर उपक्रमात अशोक घोटेकर यांनी उपस्थित महाऔष्णिक विद्युत केंद्र CSTPS ट्रेनिंग सेंटरच्या सर्व कर्मचाऱ्यांना संविधान प्रास्ताविकेची प्रत वितरित करीत प्रास्ताविकेचे सामूहिक वाचन केले तसेच संविधान जागर उपक्रमाचे महत्व विषद केले.
संविधानाची निर्मिती व संविधानाचे महत्व यावर कार्यक्रमाचे मुख्य मार्गदर्शक इंजि शेषराव सहारे यांनी महत्वाचे मार्गदर्शन केले. आणि सूत्रसंचालन पंकज रायपूरे यांनी केले आहे.
यावेळी सीएसटीपीएस चे अधिकारी व कर्मचारी मोठ्या संख्येने उपस्थित होते..
