बाबा कशी आज काळरात्र झाली
नव कोटी जनतेची प्राणज्योत विझली
बालवयातच माणसामाणसात विषमता दिसली
अशी का हो ही भेदाभेद ? प्रश्न तुम्ही विचारली
शाळा शिकून मोठे होण्याचा ध्यास तुम्ही धरला
जातीभेद नष्ट करण्याचा विडा हाती उचलला
बहुजनांच्या हक्कासाठी रात्रंदिवस लढला
गुदमरलेल्या श्वासाला चंदनाचा सुगंध दिला
अंधकारात होता बहुजन समाज बुडाला
नवचैतन्य देऊन बळ दिले जगण्याला…
संविधान लिहून दिले हक् एकसमान
साऱ्या मानवजातीत फुलविला मळा वैचारिकतेतून
बाबा कशी आज काळरात्र झाली
नवकोटी जनतेची प्राणज्योत विझली
कवयित्री संगीता राजेश नागदिवे
यवतमाळ
