उन्हाळ्याची सुट्टी संपली
शाळा सुरू झाली
छोट्या मित्रांना बघून
पुन्हा शाळा बहरली
किलबिलाट बघून
शाळा गोड हसली
मुलांविना ती होती
रुसून शांत बसली
स्वागत झाले बाळांचे
गुलाब पुष्प देऊन
वंदन केले शिक्षकाला
दोन्ही कर जोडून
प्रभात फेरी निघाली
साऱ्या गावागावातून
मुले चालली शिस्तीत
देशभक्ती गीत गाऊन
नवी पुस्तके, नवे दप्तर
गणवेशही नवा दिला
जेवणाच्या सुट्टीमध्ये
गोड खाऊ मिळाला
शिक्षक वर्गात येताच
मुले सावधान झाले
मातृभाषा शिकताना
कवितेत रमून गेले
शाळेच्या पहिला दिवसाचा
आनंद असतो वेगळा
दोन महिन्यांच्या सुट्टीनंतर
भरतो बालगोपाळांचा मेळा
संगीता नागदिवे (सना)
यवतमाळ
