पाठी विठुराया।चंदनाचा टीळा ॥
माऊलीचा लळा । विठु माझा ॥
अठ्ठावीस युगे । उभा विटेवरी ॥
कर कटेवरी । पांडुरंग ॥
चालती पावले । पंढरीची वाट ॥
पाही दिवे घाट। आनंदाने ॥
हाती टाळ-विणा । हरीचा गजर ॥
रुप मनोहर । विठ्ठलाचे॥
डोई रे तुळस । झेंडा आहे हाती ॥
पावले धावती । रिंगणात ॥
भक्त पुंडलिक । उभा किर्तनास ॥
कौतुक जनांस । हरी नाचे ॥
जन्मोजन्मी भक्त । चालतो पढंरी॥
वारकरी वारी। दास तुझा ॥
विठुच्या चरणी । दुःख विसरुन ॥
भान हरपुन । वारकरी ॥
स्थान पांडुरंगा । चरणांशी द्यावे ॥
सांभाळून घ्यावे । विठु मला ॥
विठुच्या चरणी । मस्तक ठेविले ॥
वैकुंठ पाहिले । चरणात ॥
अनंत जन्माचा । साजरा सोहळा ॥
देव माझा भोळा । विठुराया ॥
श्री. शुभम किरण गोरे
अकलूज
