किती निसर्ग फुलला
श्रावणाचा सण आला
किती निसर्ग फुलला
पावसाचा खेळ कसा
चिंब भिजवू लागला
शालू हिरवा नेसून
पृथ्वी आनंदे नटली
हात हातात घेऊन
जणू पावसा भेटली
निसर्गात धुके दाट
घाटमाथा बहरला
चोहीकडे हिरवळ
किती निसर्ग फुलला
श्रावणातील सोहोळा
मना आनंद वाटला
पाहुनिया स्वर्ग असा
किती निसर्ग फुलला
दरी डोंगर हिरवे
सुखावून जाती खूप
घाटातील ती वळणे
निसर्गाचे छान रूप
सौ मानसी बापट बंगलोर
