साऊ माझी माय तुझ्यामुळे
उजळल्या जगी दशदिशा
ज्ञानरुपी ज्ञानदिवा लावू
सकलांच्या उंचावल्या आशा
शिक्षणाचा अधिकार दिला
सान थोर मुलीबायकांना
साऊ राहतील उपकार
शिक्षित केलेस सकलांना
ज्ञानरूपी दिवे उजळले
लेकी बाळी झाल्या सुशिक्षित
तुच ती सावित्रीबाई फुले
किर्ती जगतात अखंडित
तूच दिले प्रगतीचे पंख
छाटण्याला आले महामुर्ख
केला माघारी न जरी शंख
उपकार मानूया असंख्य
साक्षरता,समानता येता
शिक्षणाचा वाढेलही ध्यास
सामाजिक प्रतिष्ठा आणि
व्यक्तीगत जीवन विकास
(स्वरचित)
©® नीला चित्रे
चिंचवड पुणे
