तुझी आतुरतेनी वाट पाहते
जीव होतो माझा कासावीस
तुझ्यावर जीवा पाड प्रेम करते
गुदमरतो माझा आता रे श्वास
नको दुखवू माझे मन
तुझ्या साठी सोडले घरदार
सोडले आईबापाचे बंधन
तूच माझा आता खरा आधार
घे जरा मला समजून
नको मला गाडी बंगला
तुझ्या सोबतीन राहीन
तुझा माझा संसार थाटला
स्वप्न माझे होऊ दे पुरे
तुझ्या विश्वासावर बंधने इमले
साता जन्मीचे हे फेरे
रेशीम गाठिनी नाजूक गुंफले
प्रतिभा सडेकर
वडगाव बेळगाव
