वाट बघते भावाची
त्याची बहीण लाडाची
भाऊ बहिणीच्या नात्याला
सर नाही त्याला कशाची
गरिबीच्या मुळे दादा
मला नको घेऊ साडी
भाजी भाकरीची आहे
अमृतासमान गोडी
दादा तुझे असणेच
आहे मला हे महान
तुझा हात फिरु देना
माझ्या डोक्यावरून
वाट बघतेय दादा
रक्षाबंधन सणाला
नयन अश्रुंनी भरले
दादा तुला भेटायला
नको मला धनपैसा
प्रेमाचे दोन शब्द बोल
माया बहिण भावाची
जगी आहे अनमोल.
कवियत्री शोभा वेले, नागपूर
