दुष्काळी ओसाडची ते त्याचे शेत आहे
तेथेच त्याचे झाडा गळफासी प्रेत आहे
कर्जाचा महा डोंगर बळीराजा डोईवरी
तरी सावकार गैरफायदाच तो घेत आहे
पडला प्रपंच पहा तो त्याचा उघड्यावरी
तरी सावकारी जप्तीही त्वरीच येतआहे
केली शेती भाती सारी आपुल्याच नावा
तरी घरादारा उरलंसारलंही तो नेत आहे
जावे धुनीभांडी ती करावया शेजा-यांची
तर जोतो कसा बरं दृष्ट नजर नशेतआहे
सा-या जगाचा पोशिंदा माझा बळीराजा
खरोखर त्याचेच नांव बघाना चर्चेत आहे
सदा काबाडकष्ट करोनी शेतकरी माझा
पीक धान सा-यानाच सदैवची देत आहे
अर्धांगिणीने विरही अवनीअंतरंगी जावे
तर चिमूरडं पाखरुही साथी कवेत आहे
सुर्यास्ती अंधार दाट दाटलया,तरी पाहू
काय दडलया भविष्य नवं उषे:त आहे
कवी बी.डी.घरत
खारकोपर, पनवेल
