क्षण सरले, दिवस उडाले,
२०२५ चे पान आता उलटले,
कधी हसलो, कधी रडलो,
ह्या वर्षाने खूप काही शिकवले.
काही माणसे नवी भेटली,
काही जुनी मागे सुटली,
मनाच्या कोपऱ्यात मात्र,
प्रत्येक आठवण जपून राहिली.
स्वप्नांच्या मागे धावताना,
थोडं स्वतःलाही विसरलो,
पण धडपडत का होईना,
यशाच्या वाटेवर थोडे सावरलो.
नव्या वर्षाची चाहूल लागली,
जुन्या आठवणींची ही शिदोरी,
२०२५ तुझी ही सोबत,
राहील कायम मनाच्या घरी.
आता निरोप घेताना तुझे,
डोळ्यांत थोडी ओढ आहे,
कडू-गोड अनुभवांनी नटलेली,
तुझी आठवण खूप गोड आहे.
सौ. अनुराधा मारचट्टीवार
हैदराबाद तेलंगाणा
