आजची कविता – तेव्हा माणूस माणसात होता..

तेव्हा कष्टाला होती किंमत
पैसा त्यामाने कमी होता…
प्रामाणिकतेचा कष्टाळू काळ
तेव्हा माणूस माणसात होता…

संयुक्त कुटुंब पद्धती एकमेव
वडिलधाऱ्यांचा मान मोलाचा…
कष्टाचे सदस्याची खरी कमाई
माणूस माणसाला ओळखायचा…

साधीराहणी आणि साधेपण
सुख दुःखाचा होता आधार…
आदरातिथ्याची पद्धत होती
श्रेष्ठ अनुभव सकल विचार …

संस्कार केंद्राची असे शिदोरी
लहान मुलांची देखभाल होती…
हक्काचे आजी आजोबा होते
संगोपन भावना होती किती…

आपुलकीची भावना होती
शेजारधर्म पाळला जात होता…
सर्वच एकमेकांचे स्नेही होते
तेव्हा माणूस माणसात होता…

केला जात वाकून नमस्कार
अतिथिंचा स्वागत खरा होता..
द्यायचे पाणी पाय धुवायला
तेव्हा माणूस माणसात होता…

कवी – प्रा.नानाजी रामटेके
आरमोरी, जिल्हा गडचिरोली