मनात माझ्या असते द्वंद
तेव्हा दिसतोस तू
सुख असो वा दुःख
खळखळून हसतोस तू…
का घालतोस उखाणा
शब्दात अडकतोस तू
उन येता दारात माझ्या
फांदी होऊन वाकतोस तू…
आहेस जिथे तिथे
मुठीतले मधुर क्षण वेचतोस तू
मी सागर, मी आकाश
क्षितिजरेषेसारखा भासतोस तू
मैत्री कशी असावी
याचे उदाहरण म्हणजे तू
निस्वार्थ भावनेने संकटकाळी
नेहमीच साथ देतोस तू..
हाय रे मित्रा!
तुझ्यासारखाच फक्त तू
जीवनात माझ्या
आहेस किती खास तू….
गुलाब अनिल वेर्णेकर:गोवा
