आजची कविता – स्त्री जन्मा तुझी कहाणी
समजू नकोस कमजोर तिला
ती धगधगता अंगार आहे
मनगटी पोलाद तिच्या
हातात तळपती तलवार आहे।।
झाल्या किती रणरागिणी
शत्रूस पाजिले क्षणात पाणी
अशा मर्द या मायभावानी
नका घेऊ पंगा तिच्याशी कोणी।।
सौंदर्याची खाण जरी ती
कोमल नाजूक देह नाही
अफाट शक्ती असे अंतरी
कमजोर तिचा वंश नाही।।
माया ममता असे अंतरी
वेळप्रसंगी होई कठोर
नाजूक तिचा देह जरी का
लढले युद्ध तिने घनघोर।।
अफाट शक्ती असे अंतरी
निर्भीड तिचा असतो बाणा
लाख येतील संकटे जरी का
कधीच मोडणार नाही कणा।।
अनेक रूपे जरी तिची का
कमजोर ती कुठेच नाही
नवदुर्गाचा अवतार घेऊन
या जगतास तारत राही।।
कवियत्री- प्रा .समिंदर निवृत्तीराव शिंदे लातूर
