प्रबोधिनी मंच महाराष्ट्र समूह तर्फे आजची कविता – जागतिक कविता दिनाच्या निमित्ताने

शब्द शब्द सजवतात
ओळी कवितेच्या
वाटा मोकळ्या करतात
मनातल्या कवीच्या

मनातली सल
सांगता येत नाही कुणाला
तेव्हा शब्द येतात धावून
कवयित्रीच्या मदतीला

बनते एक सुंदर रचना
तिलाच म्हणतात कविता
कायमस्वरूपी हृदयात
संगीत देते कविता

कवी शब्दांचा जादूगर
शब्दांची किमया करतो भारी
रचतो अभंग, भक्तीगीते, गाणी
गझल, चारोळी अन् लावणी

दिवस आणि रात्र
समान तासाचा
एकवीस मार्च
हा दिवस भाग्याचा
अन् जागतिक कवितेचा

रेखा डायस