वाटतं तुझ्या रूपावर
एक कविता करावी
निरागस चेहऱ्याचे भाव
निरखून जरा पहावी
ओघळणाऱ्या घामाच्या सरी
हळूच पुसून टाकावी
गालावर येणाऱ्या केसाला
अलगदच सावरावी
नयनांचे भाष्य तुझे
नयनांनी माझ्या वाचावी
ओठातून निघणारे शब्द तुझे
ओठांवर माझ्या सजावी
गालावरच्या खळीने तुझ्या
लाजळूही लाजावी
हसणं तुझं पाहून
सागरालाही भरती यावी
मोहक तुझ्या अदेने
फुले डूलु लागावी
छटा तुझ्या रंगाची पाहून
फुलपाखरालाही वेड लागावी
कोमल प्रीत सखे तुझी
हृदयी माझ्या असावी
चंचल अंतर्मनी माझ्या
तूच तूच दिसावी
स्नेहबंध तुझे माझे
आगळी वेगळी असावी
जीवनाच्या प्रत्येक पावलावर
फक्त साथ तुझीच असावी
कवियत्री – जयश्री चव्हाण/जयु
वर्धा
