तुझ्याच शक्तीचा जागर नारी
तुझ्याच शक्तीचा जागर ||धृ||
ओळख स्वतःला झाली होती तू चंडी
धरली होती हातात असूराची मुंडी
मार आता निर्भयाची मुसंडी ||1||
हृदयी तुझ्या मायेचा सागर वाही
तुझ्या प्रीतीला कुठे किनाराच नाही ||2||
नव्या युगाची नारी तू नारायणी
नव्या पिढीची तुझ्या हातात बांधणी ||3||
तूच आमची माय माउली
नराच्या आयुष्यातली लक्ष्मी तुझ्या पावली
तुझ्याच ठाई मायेची गार सावली ||4||
तुझ्याच शक्तीचा जागर नारी तुझ्याच शक्तीचाजागर ग ||
कवयित्री राणी भालेराव
पुणे
