वैभव संपन्न
दिवाळी सुखाची
पूजा ही लक्ष्मीची
सुख आनंदाची।।
दारात रांगोळी
शोभते सुंदर
दिव्याचा प्रकाश
दिसे मनोहर।।
फुलांच्या माळाही
तोरणं शोभते
सुख व समृद्धी
घरात नांदते।।
नातलग येती
गोकुळ घरात
रायगड किल्ला
बांधला दारात।।
चकली करंजी
लाडू वळू छान
दिवाळीत असे
लाडूलाच मान।।
धनत्रयोदशी
येते लक्ष्मी घरी
सुख व मांगल्य
येई माझ्या दारी।।
पहाटे पासून
लगबग झाली
हर्षाची ही आज
दिवाळी सजली।।
कवयित्री – प्रा. समिंदर निवृत्तीराव शिंदे
लातूर
